اهداء الي الحسناء
16 years ago
مقدمه لسيادتكم برعم نشا فى عهدكم وتربى فى كنفكم وشرب من بحر علمكم وحكمتكم اللتى اذهلت العدو قبل الصديق تسمحلى اقولك يابابا؟
بابا انا تعبان مش سنانى يابابا دى وداني ايوه ودانى اصلى سمعت كتييييييييييييييييييييير اوى عن حاجات حلوه هتحصل لنا ومحصلش منها حاجه لك شويه حاجات منهاواخواتى هنا يمكن يحبوا يزودوا عليها شويه حاجات تانيه جايز اكون نسيتها......بابا مش عايزك تزعل منى عشان فتحت لك قلبي
1_بابا.........مصر فى السياسه والاقتصادوحتى فى الرياضه بقت فى الحضيض ...بقينا فى اخر القايمه يابابا صدقنى
2_الدول اللى مكانش حد بيسمع عنها خالص يابابا بقت احسن مننا بكتير اوى يعنى دول زى الهند।فلبين .تايلاند عندهم ايدز وبرضه بيشتغوا وبيصدروا كمان ....انت نمت يابابا ؟ لسه صاحى,........ طيب اكمل
3_بتشوف قناه الجزيره والعربيه ودبى يابابا....شفت هما وصلوا وبقوا ايه واحنا بقينا ايه........الاعلام بتاعنا بقى زباله بصراحه يابابا .........تفتكر ده من ايه؟
4_ المصريين اللى عايشين بره محدش بيسال فيهم خالص يابابا ........تصور لو حد منهم مات....السفاره مابترضاش تبعت جثثه الا لو الناس لمت من بعضها ودفعت المعلوم..........ده غير ان سفارتنا بتعاملهم بطريقه اخر جليطه وقله حيا بصراحه
5_ بابا ...........بيقولوا ان اسرائيل ممكن تحتلنا تانى علشان المعاهده اللى عمو انور مضاها دى مينفعش تلغيها يابابا وندخل جيش مصرى فى سينا
6_ احنا مبنرعش قمح ليه يابابا؟؟؟ انا عارف انك بتحب الكنتلوب عشان طعمه احلى مش مهم بس حتى يابابا لو زرعنا القمح ليه القمح يابابا عندنا بيطلع كوسه؟
7_هو لبه عمرو خالد وانكل يوسف القرضاوى ملهمش برامج على التليفزيزن المصرى يابابا؟؟؟؟ ......... ليه كل البرامج بتطلع فيها روبى ونانسى ودينا؟؟؟....... طب عمو طنطاوى مبيزعلش لما بيشوف الحاجات دى ؟؟
8_ بيقولوا عدد الجراد اللى هاجم شعب مصر 70مليون جراده يعنى نفس عدد شعب مصر ولا عمو كمال الشاذلى هو اللى باعتهم عشان يقولوا نعم يامبارك ..........صحيح انهم كتبوا ليك مبايعه على ورق الشجر يابابا؟
9_بابا..........وزير الزراعه الجديد ده باين عليه فقر ودمه نحس..........اوعى تفرط فيه يابابا ده بقى املنا الوحيد
10 بابا انت صحيح ناوى تجدد تانى فى 2011 _
لا يا حبيبي اخوك علاء هو اللي هيرشح نفسة
اشمعني علا يابابا متسيب اي حد تاني من اخواتي المصريين يحكمنا بقي
سييييب سييييب سييييب شعري يابابا
وطبعنا مش هينفع نقول اللي حصل بعد كده
بقلم : مصري هيطلع من هدومة
24 Comments:
Subscribe to:
Post Comments (Atom)
DDDDDDDDDDDDDDDDDDDDDDDDDDDDD.JPG)
عايز بابا يزعل مننا
بعد كده هيقطع عننا المصروف اللى بيطلع بيه ميتين ابونا عشان نخدة
يعنى انت عايز بابا يتعب نفسه عشان يشو الشباب بتاعت البلد اللى هما صحابك وصحابي
يعنى انت عايز بابا يوفر وظائف عشان نشتغل
هو يطارق مش بابا بياكل ويشرب ببلاش
هيحس بينا ازي يا طارق
هيقول الحياة غليت
طيب يا طارق بيديك المصروف وهو عينه فيه
عيب يا طارق تقول على بابا كده
ده هو املنا الوحيد
هو فيه زية
مشغلنا
وملبسنا
ومهنينا
ومظبطنا
وقال ايه يقولك لاء للدمان
احة بجد على دى بلد على ده بابا
يعني انك نفست عن نفسك شوية وكتبت اللي خانقك هنا في المدونة
لكن انه يكون فيه استجابة من حد
ابدااااااااااااا
اطلاااااااااااااقا
هو حد فاضي يسمعنا اساسا
للاسف الشديد
احنا كلنا بندور علي دايرة مقفولة من بره،وكلنا ماشيين ورا بعض علي اطار الدايرة دي،ومش عايزين نبني قطر ولا حتي نصف قطر عشان نوصل لمركز الدايرة،والكل منتظر واحد بس هو اللي يقوم بالتغيير ويوصلنا لمركز الدايرة
بس للاسف واضح انه عمرنا ما هنوصل لكده الا لما الضماير تصحي ،والناس اللي فوق تشيل القطن اللي حاطاه في ودانها وتسمعنا كويس
والظاهر ان ده لسة بدري عليه
:(
ههههههههههههه
هم يضحك وهم يبكي
بصراحة بابا مش قصر معاانا خالص...
بيعمل الي عليه و زياادة ...:)
حتى لما تناقشوا موضوع رغيف العيش
قال ..."ليس مكان لمسل قصر في تحمل مسؤلياته في هذه الازمة"
واااو...على القصر بقى والازمة...:(
بصرااحة مش بابا بس الي غلطان عشان منظلموهوش...اونكل كما وبااقي العيلة شااربين ماية وااحدة...
بس اقفلوا كبس النوور...لجنة
كلنا لهااا
------------------
بص يا عم باسم
بابا لو زعل مننا يبقي ميستاهلش يكون بابا
لان الاب المفروض علية رعاية ولاده اللي هما هيكونوا سندة لو حاجه حصلت
انا مش ناكر انة فعلا عمل كتير حلو بس الاوحش اللي عملة اكتر بكتير
ومش لازم يعني يبقي طول العمر طالع عبن ابونا
لا لازم نبقي شوية جد ونتحدي ظروف الدوله اللي هيا المفروض بلدنا اللي خيرها مش لولادها
لا دي خيرها كبار البلد مش لولادها
سلام يا بسوم
-------
والله اني عندك حق
بس فعلا التغير مش هيجي الا لما احنا نفسنا نغير نفسنا الاول
بس بجد احنا ممكن نعمل كده
بس خايفيين من اللي ممكن يحصل لو حد فينا علا صوتة وقال لاااااا
نورتي المدونة
-------------------
بص يا عم
احنا مش هنتقابل ورا الشمس ولا حاجه
ده احنا بلد ديمقراطي
مش هما بيقولوا كده
وعلي فكرة العربية بتاعتي مش بي ام دي هامر اتش 3
هههههههههه
نورت المدونة
--------
والله يا ستي البلد دي مش بابا حسني اللي ممشيها لا دول الاربعين وزير
البلد دي لو فعلا بابا حسني اللي ممشيها هيمشيها صح لان بابا حسني مش وحش واللة مش وحش بس اللي حوالية هما اللي مخلينة وحش
نورتي المدونة
وانت بابا وانت ماما وانت انور وجدى والله لو انت اللى اتبنيته حتى كان غيرك أشطر
حلمك ان الزمالك ياخد الدورى والكاس ولا حلمك تتجوز ويكون عندك عربية وشقة كبيرة أو فيللا
نصيحة اسمعها أو ارميها ورا ضهرك
خلى حلمك لله يعنى خلى حلمك رفعة دينك ويكون لك دور فى اصلاح بلدك ,,ومتخافش حتتجوز وحاتجيب شقة والزمالك حياخد الدورى والكاس لأن دى كلها أحلام دنيوية ربنا حيديها لكل اللى طالبها
خلى احلامك لله
بابا حسنى لا دة اونكل احسن
انا مبقولشى لحد بابا غير الللى مخلفنى
ثانيا اشكرك لدخولك عالمى الخص"مدونتى"
ثالثا ده فعلا قصة حقيقية عشتها مع بعض الخيال للتشويق والاثارة
والله عسل بس إوعى بابا بقى يبسك ف أوضة الفيراان البعيدة اللى تحت الأرض
هههههههههههه
عسل والله
-------
معلش دي غلطة مطبعية
وانا الحمد لله حلمي هو اني اعمل حاجه لبلدي وليا مش احلام تافهة ان الزمالك يكسب الدوري ولا شقة ولا عربية
نورتي المدونة
---------------
ممكن كمان نقولة يا اونكل بس انا حبيت اعرفة
انة هو الامل الوحيد لشباب لانة زي بابا
نورتي المدونة
------
ميرسي علي المجاملة الرقيقة دي
وانا اللي اتشرفت انك نورتي المدونة
------------
والله انتي اللي عسل
بس انا عاوز اقولك حاجه
مش احنا اللي نخاف من اوضة الفيران دي الفيران هي اللي تخاف مننا
نورتي المدونة
بتطاول علي بابا حسني وكمان بتجيب سيرته
أحنا مش قلنا خليك جنب الحيط أحسن لك
بابا زعله بيودي في كلابوش ياقمر أوعي تزعله
تدوينة هايلة
تحياتي
ال بابا ال
ده ابو رجل مسلوخه ارحم
---------------------------------
لا انا مش بتطاول علية انا بس بفهمة الحقيقة اللي هو مش عارفها
هههههههه
نورتي
-----------
عيب
متغلطش في بابا
لو هيتعب من الاسئلة
يبقي ميستاهلش يبقي اصلا
نورتي
i wish to had a commanction with you