CLICK HERE FOR THOUSANDS OF FREE BLOGGER TEMPLATES »

وحشتيني


وحشاني كتير

وحشاني الضحكة والبسمة وعيون بتغير

وحشاني كتير

واحشني كلامك وحنانك والقلب الكبير

غزة تقف وحدها !!! لمــــــاذا؟



قالها ابو عماروقلبه موجوع فى الحصار


سمعتها امبارح واول امبارح


وسمعتها من امى وهى بتعمل الخضـــــار


وبتقولى
خليك يا ابنى زى الشطـــــــــار


خليك زى ياسين والرنتيسى والدره وابو عمار


واوعى يابنى تدفن راسك فى الرمل


اوعى لحسن تدخل النــــــــــــار
انت عارف ان فى غزه حصـــــــــــار


ايوه مافيش لا اكل ولا شرب ولا ميه ولا نور


بس فيه ضرب نار
فيه اطفال بتموت وشباب بتموت ورجاله بتموت


والكل اتخلى عنهم
حتى اقرب جار


حتى ابو تريكه لما رفع تي شرته ادوه انذار


وهددوه


يعنى اسكت


يعني اخرس
يعنى زيك زى اكتر من مليار


والله اللى فيه العرب ده عار والله عــار
والكل ساكت


والكل سامع


والكل شايف


وعادى عندهم ان فى غزه دمار
قالتلى
يا ابنى روح غزه وامسك فى ايدك شوية احجار


وارمى عدوك ومووووووووووووووت


زى الشطارهتدخل الجنه والله هتدخل الجنه


وعمر ما هتمسك النار


وانا هازفك لقبرك بالطبل والمزمار
عنيا دمعت


امي فرحت


قالت.....بتبكى على غزه والحصار
قلت لا


انا ببكى من البصل اللى فى ايدكى اللى خلى عنيا نار
امى غضبت


امى ثارت
امى قالت


فعلا زيك زى كل العرب
زيك زى اكتر من مليار

..........حسبى الله ونعم الوكيل................

راااااااااااااااجع




يا مطحنة الزمان هديِ

ولا تعديِ علي حلمي

أنا حلميِ يَدوب نونو

ولسة رسمه علي قدي

أنا نفسي يكون مرسوم

ومش مقسوم علي نفسة

ويبكي في يوم علي يأسه

أنا حلمي لسة من ضعفه

بيتعكز علي الكلمة

علي الصحبة علي الصورة

اللي مرسومة من الذكرى

من الفكرة من البذرة اللي يتمنى تكون شجرة

يا مطحنة الزمان

هديِ بلاش تقسي بلاش تمحى

سطور م الود سطرناها

في لحظة صدق وتحدي ولا تعَاندي

رسالة الي بابا حسني


مقدمه لسيادتكم برعم نشا فى عهدكم وتربى فى كنفكم وشرب من بحر علمكم وحكمتكم اللتى اذهلت العدو قبل الصديق تسمحلى اقولك يابابا؟

بابا انا تعبان مش سنانى يابابا دى وداني ايوه ودانى اصلى سمعت كتييييييييييييييييييييير اوى عن حاجات حلوه هتحصل لنا ومحصلش منها حاجه لك شويه حاجات منهاواخواتى هنا يمكن يحبوا يزودوا عليها شويه حاجات تانيه جايز اكون نسيتها......بابا مش عايزك تزعل منى عشان فتحت لك قلبي

1_بابا.........مصر فى السياسه والاقتصادوحتى فى الرياضه بقت فى الحضيض ...بقينا فى اخر القايمه يابابا صدقنى

2_الدول اللى مكانش حد بيسمع عنها خالص يابابا بقت احسن مننا بكتير اوى يعنى دول زى الهند।فلبين .تايلاند عندهم ايدز وبرضه بيشتغوا وبيصدروا كمان ....انت نمت يابابا ؟ لسه صاحى,........ طيب اكمل

3_بتشوف قناه الجزيره والعربيه ودبى يابابا....شفت هما وصلوا وبقوا ايه واحنا بقينا ايه........الاعلام بتاعنا بقى زباله بصراحه يابابا .........تفتكر ده من ايه؟

4_ المصريين اللى عايشين بره محدش بيسال فيهم خالص يابابا ........تصور لو حد منهم مات....السفاره مابترضاش تبعت جثثه الا لو الناس لمت من بعضها ودفعت المعلوم..........ده غير ان سفارتنا بتعاملهم بطريقه اخر جليطه وقله حيا بصراحه

5_ بابا ...........بيقولوا ان اسرائيل ممكن تحتلنا تانى علشان المعاهده اللى عمو انور مضاها دى مينفعش تلغيها يابابا وندخل جيش مصرى فى سينا

6_ احنا مبنرعش قمح ليه يابابا؟؟؟ انا عارف انك بتحب الكنتلوب عشان طعمه احلى مش مهم بس حتى يابابا لو زرعنا القمح ليه القمح يابابا عندنا بيطلع كوسه؟

7_هو لبه عمرو خالد وانكل يوسف القرضاوى ملهمش برامج على التليفزيزن المصرى يابابا؟؟؟؟ ......... ليه كل البرامج بتطلع فيها روبى ونانسى ودينا؟؟؟....... طب عمو طنطاوى مبيزعلش لما بيشوف الحاجات دى ؟؟

8_ بيقولوا عدد الجراد اللى هاجم شعب مصر 70مليون جراده يعنى نفس عدد شعب مصر ولا عمو كمال الشاذلى هو اللى باعتهم عشان يقولوا نعم يامبارك ..........صحيح انهم كتبوا ليك مبايعه على ورق الشجر يابابا؟

9_بابا..........وزير الزراعه الجديد ده باين عليه فقر ودمه نحس..........اوعى تفرط فيه يابابا ده بقى املنا الوحيد

10 بابا انت صحيح ناوى تجدد تانى فى 2011 _

لا يا حبيبي اخوك علاء هو اللي هيرشح نفسة

اشمعني علا يابابا متسيب اي حد تاني من اخواتي المصريين يحكمنا بقي

سييييب سييييب سييييب شعري يابابا

وطبعنا مش هينفع نقول اللي حصل بعد كده

بقلم : مصري هيطلع من هدومة

مبروك للاهلي


سونج المصري يقود الاهلي للفوز علي الزمالك

قاد المدافع الزمالكاوي بشير التابعي "ابو ستة" الاهلي للفوز علي الزمالك بهدفين

مش عارف اقول ايه والله العظيم انا زهقت طب اشجع الاهلي يعني والله ما عارف اشجعة

ورغم ان الزمالك لعب وادي ولكن رعونة المهاجمين واخطاء المدافعين وتوهان خط النص مخلوش الاداء يطلع حلو خالص

باستثناء فرصه وحديدة في الشوط الاول بتاعة مصطفي جعفر

وانا ايه بقي قبل الماتش بقي كنت عامل عمايل وبقول هنكسب اتنين اوتلاتة

ده الاهلي بيلعب من غير ابو تريكة والحضري بس الاهلي اثبت انة مش بيقف علي لاعب

يعني بدل الحضري فيه امير وبدل تريكة في ناس كتيييير

المهم ان كفاية بقي كده علي كرول ويسبنا بقي ناكل عيش

ويارب يارب اللاعيبة متتاثرش بالماتش ده وتتغلب من الحرس في الكاس

والف الف الف مبروك للاهلي علي الفوز والف مبروك للاهلي علي اللاعب الكبير احمد فتحي وان شاء الله الي مزيد من التقدم


بقلم : زمالكاوي مفروس