اهداء الي الحسناء
15 years ago
سونج المصري يقود الاهلي للفوز علي الزمالك
قاد المدافع الزمالكاوي بشير التابعي "ابو ستة" الاهلي للفوز علي الزمالك بهدفين
مش عارف اقول ايه والله العظيم انا زهقت طب اشجع الاهلي يعني والله ما عارف اشجعة
ورغم ان الزمالك لعب وادي ولكن رعونة المهاجمين واخطاء المدافعين وتوهان خط النص مخلوش الاداء يطلع حلو خالص
باستثناء فرصه وحديدة في الشوط الاول بتاعة مصطفي جعفر
وانا ايه بقي قبل الماتش بقي كنت عامل عمايل وبقول هنكسب اتنين اوتلاتة
ده الاهلي بيلعب من غير ابو تريكة والحضري بس الاهلي اثبت انة مش بيقف علي لاعب
يعني بدل الحضري فيه امير وبدل تريكة في ناس كتيييير
المهم ان كفاية بقي كده علي كرول ويسبنا بقي ناكل عيش
ويارب يارب اللاعيبة متتاثرش بالماتش ده وتتغلب من الحرس في الكاس
والف الف الف مبروك للاهلي علي الفوز والف مبروك للاهلي علي اللاعب الكبير احمد فتحي وان شاء الله الي مزيد من التقدم
بقلم : زمالكاوي مفروس
43 Comments:
Subscribe to:
Post Comments (Atom)
DDDDDDDDDDDDDDDDDDDDDDDDDDDDD.JPG)
الله يبارك فيك
طبعا الاهلي مدرسة كبيرة وفريق كبير
واعبالكم كدا بعد الشر
يووو اقصد ان شاء الله
رودي الاهلاوية
وش مطلع لسانه
ولو عرفتني هبقي اديلك حاجه حلوه بس خلي في دماغك اننا شوفنا بعض عند باسم
وبتقول عليا اننا فظيييييييييييع سلام يا روقه ابقي افتكر ركوب الخيل
وطبعا الاهلى فوق الجميع
ههههههه
بس مبروك يا سيدى
تحياااااااتى ليك
عارف اكتر حاجة بتعجبني في الزملكاوية انهم مخلصين للنهاية
او بوظت فيه حاجه
هههههههههه
ع كل حال الف مبروك ع الجديد
وخلي بالك منه بقي
انا مش عارفه انت ازاي
لسه صابر تبقي زملكاوي
غير ملتك بقي يابني
عشان متتعبش نفسك
بس يلا بقي
الف مبروك علينا
وعقبالكم زينا
و(بست وشز فور يو)0
اما بالنسبه لسونج فانا كنت فى الماتش وشوفته لايف
والله قدام عينى
ويلا معلش نصيبى ابقى وافضل زملكاوى
-----------
شرفتيني
طبعا الاهلي مدرسة
وعلي رايك عقبالنا ان شاء الله
-------------------
خلاص يا باشا بقينا علي راي عادل امام
متعووووده دايما
ههههههههههه
شرفتني ومستني اشوفك يوم الجمعة عند باسم
-------
شرفت المدونة
وان شاء الله هرد الزيارة
والف مبروك للاهلي
-----------
والله ريحتي دماغك ووفرتي علي نفسك حرقة الدم اللي كنتي هتبقي فيها لو كنتي زملكاوية
تحياتي ليكي وشرفتيني
--------------
انا مختلف معاكي لا الزمالكاوية احسن حاجه فيهم انهم مبقوش زي الاول في التشجيع الاعمي
تحياتي ليكي وشرفتيني
-----
فعلا البلوج القديم اتمسح بغلطة مني
بس رنا يكرمنا في ده
وانا عمري يا نوري ما هاكون غير زمالكاوي لسبب بسيط لاني معرفش اشجع الاهلي والله
تحياتي ليكي وشرفتيني
--------
انت فينك ياعم من زمان نفسي حد يقف جانبي كده
احمدك يارب لاقيت بلوجر زملكاوي
تحياتي ليك وشرفتني
ههههههه
طبعا الف الف مبروك للاهلي
مش عارفه ليه دايما الناس بتحب تعاقب نفسها
يعني كل الزمالكاويه عارفين ومتأكدين ان فريقهم زي ماهو مرسوم في الصوره دي بالظبط وبرضو بيصروا انهم يعذبوا نفسهم ويشجعوه
يلا كل واحد ينام علي الجنب اللي يريحه
:-)
هيا لنحلم بالوطن الحر والجامعة الحره
احم احم ....ولكن...بعد أن حكمها البلطجيه..؟؟
ويا رييت رأيكم في الموضوع المكتوب
---------
وعليكم السلام
شرفتيني
بس انا كده الزمالك في دمي
بقي يبقي مثلا محمد ابراهيم معايا في الكلية واكون مش زمالكاوي
والزمالك هو الجنب اللي مريحني
تحياتي ليكي يا قمر
براحة علي نفسك شوية
اصل بصراحة انا مليش في الكورة قوي
بس ربنا ابتلاني عندي في البيت باكبر متعصبين للكورة في مصر(اخواتي الصغيرين)
اصلهم اهلاوية
ما علينا
مبروك للاهلي وان شاء الله الزمالك يشد حيله
انا بس بحب قوي اليوم اللي بيبقي فيه ماتش بين الفريقين دول
اصل المواصلات بتبقي رايقة قوووووووووووي
تحياتي
------
شرفتي المدونة وان شاء الله متكنش اخر زيارة وربنا يخليلك اخواتك الاهلاوية ويزود بطولاتهم
تحياتي ليكي
---------------
نورتي المدونة
وعلي رايك مبقتش فارقه اهلاوي ولا زمالكاوي
شجع شجع
مصر بتلعب
هههههه
تحياتي ليكي
ان حالفني الحظ ومتفرجتش علي الماتش
بس انا برده متمسك بالزمالك
طب انا زملكاوى ومش مفروس
ايه يعنى لما الحكم يطنش على ضربة جزاء
كان ممكن تغير شكل المباراة تتحول الى هدف بالصدفة فى مرمانا كرة طايشة تصل الى المحظوظ يحطها جون وبعدها بدقيقة فى مرحلة استرداد الثقة بالنفس سونج المصرى يعطى المنحوس هدف فك النحس
وطبعا هو نبته خير كان عاوز بتوع روسيا ياخدوه ويريحونا منه
بس محصلش
خيرها فى غيرها
هو لسة فى زملكاوية
انا افتكرتهم انقرضو من زمااااااااااااان
ولايهمك ياباشا حصل خير انشاء الله
انا بردو مفروس معاك
تحياتى
بيقولك كان في يوم من الأيام كان في نادي اسمه لكنه اندثر مع الحاجات اللي اندثرت
متهيألي المشكلة مش في كرول ولا الحكم ولا ضربة الجزاء المشكلة في لاعبية الزمالك نفسهم
- الأخ دينامو الاخوان
متهيألي ممكن تحقق حلمك في مدونتك مش عند الأخرين
دة رأي لو عايز تعرفه
مش عارفة اقول ايه...
زملكااوين لابد العمر حتى لو الخسارة اتكتبت على الفريق...
...:d
مبروك للاهلي ولفريق الاهلي...
مع انه الفريق المناافس لينا كزملكويين...بس بنتعلم منه برده...
كيب اوون
--------
طب ياعم الحمد لله انك متفرجتش احسن كنت زمانك مكتبتش التعليق لانك كنت هتقرف من اي حاجه فيها اسم الزمالك
نورت المدونة
---------------
مع احترامي لزمالكاويتك
مش ضربة جزاء اللي هتغير ماتش احنا اللي وحشين بلاش نبرر الاخطاء باخطاء نورت المدونة
-------
لا يا عم لسه فية زمالكاوية
بس انت اللي مش واخد بالك منهم لاانك اهلاوي
نورت المدونة
------------
بالعكس وقت الجد ببقي فخور جدا اني زمالكاوي
بس مش في اي وقت يعني
يعني قبل ماتشات الاهلي بيبقي مليش في الكورة
ههههههههه
نورتي المدونة
--------
والله باين كلنا مفروسين
نورت المدونة
-------------
والله هو لسه مبقاش ماضي ونفسنا يكون ليه مستقبل
نورت المدونة
-----
مبروك تاني ياستي
وان شاء الله عقبال كده منغلبكم مرة من نفسنا قريب يعني كمان عشرة خمستاشر سنة
ههههههههههه
نورتي المدونة
----------
الزمالك فعلا هيفضل في قلبي لانة الفن والهندسة غصب عني اي حد
ههههههه
نورتي المدونة
------------
هند هانم
انا مش زعلان انا مفروووووووس من الزمالك
نورتي المدونة
---------
والله بيني وبينك كلنا حاطيين وشوشنا في الارض من نادي الزمالك
نورتي المدونة وسعيد جدا انك لسه فكراني
والحمد لله لقين حد زملكاوى زى
انا اقدر احس با الى انت حاس بيه
بكم الزهق والغل واليلس بس نقول ايه
ده نصيبنا